संत गाडगे बाबा यांची माहिती Sant Gadge Baba Information In Marathi

             

संत गाडगे बाबा यांचा परिचय - Sant Gadge Baba Information In Marathi

पूर्ण नाव	डेबुजी झिंगराजजी जानोरकर
जन्म	23 फेब्रुवारी 1876
जन्मगाव	शेंडगाव (अमरावती जिल्हा)
वडीलाचे नाव	झिंगराजजी
मृत्यू	20 डिसेंबर 1956 - वलगाव (अमरावती जिल्हा )

 संत गाडगे बाबा यांचे विचार 

           संत गाडगे महाराजांचे राहणीमान अत्यंत साधे होते. अंगावर ठिगळ, गोधडी, व हातात गाडगे असा त्यांचा साधा वेश होता. म्हणूनच त्यांना गाडगे बाबा असे म्हणत. अज्ञान, अंधश्रद्धा , अनिष्ट रूढी -  परंपरा , देवधर्म या विषयी खोट्या व भ्रामक समजुती दूर करण्यासाठी संत गाडगे महाराज आयुष्यभर झटले. त्यासाठी त्यांनी कीर्तनाचे माध्यम निवडले.  गावोगावी जाऊन ते कीर्तन करत असे.  ' गोपाला गोपाला देवकीनंदन गोपाला ' हे त्यांचे अत्यंत आवडते भजन होते .  कीर्तनाच्या माध्यमातून समाजाला नैतिक मूल्ये, परोपकार व मानवतेचे धडे त्यांनी दिले. गाडगे महाराजांना जातिभेद मंजूर नव्हता. 

                                

            माणसांनी एकमेकांशी प्रेमाने व  सदभावनेने  वागणे, एकमेकांच्या मदतीस धावून जाणे, अडल्या, नडल्यांची, रंजल्या गांजल्यांची सेवा करणे म्हणजेच ईश्वरांची सेवा करणे होय  अशी त्यांची विचारसरणी होती. 

संत गाडगे बाबा यांचे सामाजिक व शैक्षणिक कार्य 

           संत गाडगे बाबांनी 1908  ते 1956 सालापर्यंतच्या काळात अखंड महाराष्ट्रभर गोरगरिबांसाठी कार्य केले. इ. स. 1917 ला पंढरपूर येथे ' चोखामेळा धर्मशाळेचे ' निर्माण त्यांनी केले. त्यांनी अनेक अन्नछत्रे उघडली, महारोग्यांसाठी कुष्टधाम उघडलीत, गुरांसाठी गोरक्षण बांधले, अश्पृश्यांसाठी वसतिगृह , शाळा सुरू केल्या, कन्या शाळा, महिला आश्रम उघडले, पानपोया घातल्या व महाराष्ट्राला कृतार्थ केले. 

संत गाडगेबाबा यांच्याविषयी इतर माहिती  

* संत गाडगे महाराज यांचे गुरु संत तुकाराम महाराज होते. 

* गाडगे बाबांनी ऋणमोचन येथे ' लक्ष्मीनारायनाचे ' मंदिर बांधले.

* पूर्णा नदीवरील घाटाचे निर्माण त्यांनी केले.

* संत गाडगे बाबा जातीने परीट होते व गोधडी महाराज म्हणून सुद्धा ते ओळखले जात असे.

*

हे सुद्धा वाचा
डॉ. पंजाबराव देशमुख यांची माहिती